Apple Pay Հայաստանում

acba digital հավելվածի միջոցով iPhone-ի և Apple Watch-ի համար

acba digital հավելվածով քարտը Apple Wallet-ին կցելու համար անհրաժեշտ է Քարտեր բաժնից ընտրել նախընտրած Visa կամ Mastercard տեսակի քարտը, սեղմել Add to Apple Wallet կոճակը և հետևել հրահանգներին։

Apple Wallet դրամապանակից iPhone-ի և Apple Watch-ի համար

Apple Wallet դրամապանակից քարտը Apple Pay-ին կցելու համար անհրաժեշտ է դրամապանակի վերևի աջ անկյունից սեղմել « + » կոճակը, ընտրել սարքը որին ցանկանում ես կցել քարտը ՝ iPhone կամ Apple Watch և հետևել հրահանգներին։ Մանրամասն կից ուղեցույցում։

Apple Watch-ի համար Apple Wallet-ին քարտ կարող ես կցել նաև iPhone-ի Watch հավելվածից, ինչպես նաև քո Apple Watch սմարթ ժամացույցից։

Քարտի թվայնացումը հնարավոր է կատարել հետևյալ սարքավորումներով՝ iPhone 6/6 Plus, 6s/6s Plus, 7/7 Plus, 8/8 Plus, X, XS/XS Max, XR, SE, 11/Pro, 12/Pro, 13/13max/13pro/13pro max (և բարձր) և Apple Watch բոլոր մոդելներով: Քարտի թվայնացման և վճարումներ կատարելու համար Apple սարքավորման վրա պետք է ակտիվացված լինի գաղտնաբառ՝  Passcode։ Apple ընկերության կողմից խորհուրդ է տրվում սարքավորման վրա ակտիվացնել նաև FaceID կամ TouchID:

Apple Wallet-ին կարող ես կցել Բանկի կողմից թողարկված քո Visa տեսակի բոլոր քարտատեսակները ՝ բացառությամբ Visa Business և Visa Electron քարտերի, Mastercard տեսակի բոլոր քարտատեսակները` բացառությամբ Maestro քարտերի։

iPhone

● Առևտրի կետերում վճարման ժամանակ 2 անգամ սեղմիր iPhone-ի աջ վերևի կոճակին, նույնականացվիր FaceID-ով/TouchID-ով կամ հավաքիր սմարթֆոնիդ Passcode-ը, այնուհետև սմարթֆոնը մոտեցրու POS տերմինալին։

● Առցանց գնումների ժամանակ, որպես վճարման միջոց ընտրիր Apple Pay տարբերակը և նույնականացվիր FaceID-ով/Touch ID-ով կամ հավաքիր սմարթֆոնիդ Passcode-ը։

● Բանկոմատից կանխիկացման ժամանակ 2 անգամ սեղմիր iPhone-ի աջ վերևի կոճակին, նույնականացվիր FaceID-ով/TouchID-ով կամ հավաքիր սմարթֆոնիդ Passcode-ը, այնուհետև սմարթֆոնը մոտեցրու բանկոմատի NFC ընթերցման հատվածին։

Apple Watch

● Առևտրի կետերում վճարման ժամանակ 2 անգամ սեղմիր Apple Watch-ի աջ ներքևի կոճակին, այնուհետև ժամացույցը մոտեցրու POS տերմինալին։

● Բանկոմատից կանխիկացման ժամանակ 2 անգամ սեղմիր iPhone-ի աջ վերևի կոճակին, նույնականացվիր FaceID-ով/Touch ID-ով կամ հավաքիր սմարթֆոնիդ Passcode-ը, այնուհետև սմարթֆոնը մոտեցրու բանկոմատի NFC ընթերցման հատվածին։

iMac, Macbook, iPad

● Առցանց գնումների ժամանակ, որպես վճարման միջոց ընտրիր Apple Pay տարբերակը: Եթե սարքավորումն ունի և ակտիվացված է FaceID նույնականացումը, ապա նույնականացվիր FaceID-ով։ Եթե սարքավորումն ունի և ակտիվացված է Touch ID նույնականացումը, ապա նույնականացվիր TouchID-ով: Եթե սարքավորումը չունի FaceID/TouchID կամ դրանք ակտիվացված չեն, ապա նույնականացում պետք է անցնես քո iPhone-ով կամ Apple Watch-ով, որը պետք է տվյալ պահին միացված լինի սարքավորմանը։

Apple Pay վճարումները հասանելի են աշխարհի բոլոր այն սպասարկման կետերում, որտեղ վճարման համար օգտագործվում է անհպում վճարումների հնարավորությամբ POS տերմինալ և սպասարկվում են VISA և Mastercard տեսակի քարտեր։

Apple Pay-ով կարող ես վճարել նաև առցանց գնումների ժամանակ ՝ հավելվածներում և web կայքերում*, որտեղ առկա է Apple Pay տարբերանշանը։

*Web կայքերում վճարումներ կատարելու համար անհրաժեշտ է կայք մուտք գործել Safari դիտարկչով։